काठमाडौं । अमेरिकी पूर्व राष्ट्रपति र यस पटकको अमेरिकी राष्ट्रपति चुनावमा रिपब्लिकन पार्टीका उम्मेदवार डोनाल्ड ट्रम्पले टेस्लाका मालिक एलन मस्कलाई राष्ट्रपतिको सल्लाहकार बनाउन आफू तयार रहेको बताएका छन् ।

समाचार एजेन्सी रोयटर्ससँगको कुराकानीका क्रममा ट्रम्पलाई सोधिएको थियो – मस्कलाई सल्लाहकार वा मन्त्रिपरिषद्को पद दिनेबारे उनले विचार गर्नेछन् ? जवाफमा ट्रम्पले आफूले यस्तो विचार गर्ने बताए ।

उनले मस्क निकै बुद्धिमान व्यक्ति भएको बताए । ट्रम्पले यदि मस्क आफ्नो सल्लाहकार बन्न राजी भएमा आफू मस्कलाई पद दिन तयार रहेको बताए ।

टेस्ला र स्पेसएक्सका मालिक एलन मस्कले हालै डोनाल्ड ट्रम्पसँग सोशल मिडिया प्लेटफर्म एक्समा अन्तर्वार्ता लिएका थिए ।

सो क्रममा उनले डेमोक्रेटिक पार्टीका राष्ट्रपति पदका उम्मेदवार तथा उपराष्ट्रपति कमला ह्यारिसलगायतका धेरै विषयमा कुरा गरे ।