काठमाडौं । भारतीय कम्युनिस्ट पार्टीका महासचिव सीताराम येचुरीको अवस्था चिन्ताजनक छ। उनको दिल्लीको एम्स अस्पतालमा उपचार भइरहेको छ । यहाँ उनलाई आईसीयूमा राखिएको छ ।

सीपीएमद्वारा जारी विज्ञप्तिमा भनिएको छ, ‘कमरेड सीताराम येचुरीलाई श्वासप्रश्वासको गम्भीर संक्रमण भएको छ । चिकित्सकको टोलीले उनको उपचार गर्दै उनको अवस्था हेरिरहेको छ ।’

समाचार एजेन्सी पीटीआईका अनुसार उनलाई उच्च ज्वरो आएपछि अगस्ट १९ मा एम्समा भर्ना गरिएको थियो, त्यसपछि उनलाई आईसीयूमा भर्ना गरिएको थियो।

७२ वर्षीय सीपीएम नेताको हालै मोतियाबिन्दुको शल्यक्रिया गरिएको थियो ।

गत महिना, अगस्ट २२ मा, एम्समा भर्ना हुँदा, येचुरीले पश्चिम बंगालका पूर्व मुख्यमन्त्री बुद्धदेव भट्टाचार्यलाई एक भिडियो सन्देशमा श्रद्धाञ्जली दिएका थिए।

उनले आफ्नो सन्देशमा भनेका थिए, ‘मैले आफ्नो भावना व्यक्त गर्दै एम्सबाटै बुद्ध दाप्रति लाल सलाम भन्नु निकै दुर्भाग्यपूर्ण छ ।’

अगस्ट २३ मा सीताराम येचुरीले सामाजिक सञ्जाल एक्समा सीपीएम, कांग्रेस र नेसनल कन्फ्रेन्सबीच जम्मू कश्मीरमा चुनावी गठबन्धनको बारेमा पोस्ट गरेका थिए ।

अगस्ट २९ मा उनले एक्समा अब्दुल गफुर नूरानीको निधनमा शोक सन्देश पोस्ट गरे ।