काठमाडौं। अमेरिकामा राष्ट्रपतीय निर्वाचनअघि डेमोक्रेटिक पार्टीकी उम्मेदवार कमला ह्यारिस र रिपब्लिकन पार्टीका उम्मेदवार डोनाल्ड ट्रम्पबीच पहिलो राष्ट्रपतिको बहस भएको छ।

करिब ९० मिनेटसम्म चलेको एबीसी न्यूज प्रेसिडेन्सियल बहसमा कमला ह्यारिस र ट्रम्पले एकअर्काको नीतिको कडा आलोचना गरेका थिए।

यस क्रममा दुई उम्मेदवारबीच रुस–युक्रेन युद्ध, इजरायल–हमास युद्ध, सीमा समस्या, अध्यागमन, अर्थतन्त्र, क्यापिटल हिल दंगा र गर्भपतन जस्ता विषयमा चर्को बहस भएको थियो। यस बाहेक चीन, रुस, इजरायल र इरान पटकपटक बहसमा आएका छन्।

बहसको अन्त्यमा, कमला ह्यारिसले भनिन्, ‘मेरो र ट्रम्पको अमेरिकाको भविष्यमा पूर्णतया फरक विचार छ। मेरो ध्यान भविष्यमा छ भने ट्रम्प विगतमा फसेका छन्।’

ट्रम्पले भने, ‘कमला ह्यारिसको नीतिको कुनै अर्थ छैन किनभने उनले विगत चार वर्षमा केही हासिल गर्न सकेकी छैनन्। हाम्रो देश विनाशको बाटोमा छ। सारा संसार हामीमाथि हाँसेको छ। यदि ह्यारिसले नोभेम्बरमा चुनाव जितिन् भने, तेस्रो विश्वयुद्ध सम्भव छ।’

बहसका क्रममा कमला ह्यारिस र ट्रम्पले एकअर्कामाथि व्यक्तिगत आक्रमण पनि गरेका थिए।

ह्यारिसले चलिरहेको मुद्दा र २०२० को चुनावमा हार स्वीकार गर्न अस्वीकार गरेकोमा ट्रम्पमाथि हमला गरेकी थिइन्। बहसको क्रममा, जब मध्यस्थकर्ताहरूले ट्रम्पलाई ह्यारिसको जातीय पहिचानको बारेमा उनको विवादास्पद टिप्पणीको बारेमा सोधे, ट्रम्पले प्रश्नलाई बेवास्ता गरेका थिए। ट्रम्पले भने, ‘उनीहरू के हुन् मलाई मतलब छैन।’ ह्यारिसले भनिन्, ‘यो दुःखद घटना हो। जसले सधैं अमेरिकालाई जातीय आधारमा विभाजित गर्न खोजेको छ, उ नै राष्ट्रपति बन्न चाहन्छ।’

कमला ह्यारिसले ९० मिनेटको बहसमा डोनाल्ड ट्रम्पलाई बारम्बार हैरानी गरेकी थिइन्। विभिन्न विश्लेषकले यो बहस ह्यारिसले जितेको विश्लेषण गरिरहेका छन्।

कमला ह्यारिसले ट्रम्पको र्‍यालीमा भएको भीडको आकार र क्यापिटल हिलमा भएको आक्रमणलाई लिएर ट्रम्पलाई घेरेकी थिइन्। ह्यारिसले ती अधिकारीहरूलाई पनि उल्लेख गरिन् जो पहिले ट्रम्पसँग थिए र अहिले उनको कडा आलोचना गर्छन्।

मतदातासँग प्रत्यक्ष सान्दर्भिक हुने विषयको उम्मेदवारले राम्रो फाइदा उठाउने वा जित्ने भन्ने बहस भएमा कमला ह्यारिस यस मामिलामा सफल भइन्। ह्यारिस मुद्दालाई आफ्नो पक्षमा फेर्न सफल भइन्। बहस अघि बढ्दै जाँदा ह्यारिसले ट्रम्पलाई धेरै आक्रमण र व्यंग्य गरिन्, जसको ट्रम्पले जवाफ दिन बाध्य भएका थिए।

कमला ह्यारिसले ट्रम्पलाई कमजोर भन्दै विदेशी नेताहरूले उनीमाथि हाँस्न थालेको बताएकी थिइन्। बहसका क्रममा धेरै जसो मुद्धाहरूमा, ट्रम्पले आफ्नो आक्रमणलाई प्रभावकारी रूपमा प्रस्तुत गर्न सकेको देखिएन।

ओपिनियन पोलले बाइडेन प्रशासनले मुद्रास्फीति र अर्थव्यवस्थालाई कसरी ह्यान्डल गरेको छ त्यसमा धेरै अमेरिकीहरू असन्तुष्ट छन् भनेर देखाउँछन्। तर ह्यारिसले विषयलाई ट्रम्पको प्रस्तावित ट्यारिफहरूमा परिणत गरिन्, जसलाई उनले ‘ट्रम्प बिक्री कर’ भनिन्। बहसका क्रममा कमला ह्यारिसको शारीरिक भाषा पनि प्रभावकारी देखियो। धेरैजसो राष्ट्रपतिको बहसको क्रममा, ह्यारिसले ट्रम्पलाई जवाफ दिँदा, असहमतिमा टाउको हल्लाउँदै वा मुस्कुराउँदै गरेको देखियो।

जब ट्रम्पले ह्यारिसलाई ‘मार्क्सवादी’ भनेर सम्बोधन गरे, ह्यारिसले आफ्नो हात आफ्नो चिउँडोमा राखेर उनले नबुझेको संकेत गरेकी थिइन्। तर अर्थव्यवस्था वा गर्भपतन जस्ता मुद्दाहरूमा, ह्यारिस सीधा क्यामेरामा हेर्दै जवाफ दिएकी थिइन्, मानौं उनी मतदाताहरूसँग कुरा गरिरहेकी थिइन्। उही समयमा, ट्रम्पले बहसभर ह्यारिससँग आँखा जुधाउनबाट जोगिइरहेको देखिएका थिए। उनको प्रश्नमा औंला देखाएर ह्यारिससँग कुरा गरेको देखियो।