काठमाडौं । सांघाईको वालमार्ट सुपरमार्केटमा सोमबार राति भएको छुरा प्रहारबाट तीन जनाको मृत्यु भएको छ भने १५ जना घाइते भएका छन् ।

चिनियाँ प्रहरीले घटनास्थलबाट लिन नामका ३७ वर्षीय पुरुषलाई पक्राउ गरेको जनाएको छ ।

व्यक्तिले सांघाई आएर व्यक्तिगत आर्थिक कारणले रिस उठाएर उक्त घटना गरेको प्रहरीले जनाएको छ । थप अनुसन्धान भईरहेको छ ।

यो घटना साङ्जाङस्थित एक सपिङ मलमा भएको हो ।

घाइते तीन जनाको अस्पतालमा मृत्यु भएको प्रहरीले जनाएको छ । बाँकी व्यक्तिलाई गम्भीर चोटपटक लागेको छैन र उनीहरु खतरामुक्त रहेको बताइएको छ ।

सी नामका एक प्रत्यक्षदर्शीले बीबीसीलाई भने, “जताततै रगत थियो।”