काठमाडौ । आज कुकुर तिहार देशैभरी कुकुरको पूजा गरेर मनाइएको छ । यस अवसरमा भक्तपुरको मध्यपुर थिमि नगरपालिका–२, सानोठिमीस्थित भैरवबहान गुल्ममा तालिम प्राप्त कुकुरलाई पूजा गरिएको छ ।

कुकुर पूजामा उपरथी सागर थापा गुल्मपति लेनिन रोका मगर सहित अन्य उच्च अधिकारीहरू उपस्थित थिए । यस अवसरमा तालिम प्राप्त कुकुरले आतङ्ककारी व्यक्तिलाई समाउने, सलामी दिने, पुष्पगुच्छाले स्वागत गर्ने जस्ता कला प्रदर्शन गरेका थिए ।