काठमाडौं । अमेरिकाका सातमध्ये तीन स्विङ स्टेटमा विजय हासिल गरेपछि रिपब्लिकन पार्टीका उम्मेदवार तथा पूर्व अमेरिकी राष्ट्रपति डोनाल्ड ट्रम्पका समर्थकहरू फ्लोरिडामा उनको सम्बोधनको खबरबीच यहाँ भेला भएका छन् ।

ट्रम्प आफ्नो चुनावी अभियानको मुख्यालय फ्लोरिडामा आउने विश्वास गरिएको छ। ट्रम्पको लागि मञ्च तयार छ। उनीसँगै उपराष्ट्रपतिका उम्मेदवार जेडी भान्स पनि आउन सक्नेछन् ।

यससँगै अमेरिकाका धेरै ठाउँबाट उनका समर्थकका तस्बिरहरू पनि बाहिर आएका छन्, जो उत्सव मनाइरहेका छन् ।

केही मानिसहरूले मागा (मेक अमेरिका ग्रेट अगेन – ट्रम्पको अभियानको नारा) टोपी लगाएका छन् भने अरूले अमेरिकी झण्डामा बेरिएका छन्।

सीएनएनले ट्रम्पले २६६ सिट जित्ने निश्चित भइडकेको र अब ४ सिट मात्र जिते उनी राष्ट्रपति बन्ने प्रक्षेपण गरिसकेको छ । गणना भइरहेका राज्यहरूमा पनि ट्रमपले अग्रता लिइरहेकोले उनलाई २७० सिट जित्न कठिन नहुने देखिन्छ ।