काठमाडौं । अमेरिकी चुनाव जितेपछि डोनाल्ड ट्रम्पले रुसी राष्ट्रपति भ्लादिमिर पुटिनसँग वार्ता गर्न तयार रहेको बताएका छन् ।

“मलाई लाग्छ हामी वार्ता गर्नेछौं,” ट्रम्पले बिहीबार एनबीसी न्यूजलाई भने।

रुसी समाचार एजेन्सी टासका अनुसार , “डोनाल्ड ट्रम्पले आफ्नो कुराकानीमा पुटिनसँग आफूले अहिलेसम्म वार्ता नगरेको बताएका छन्, तर उनले यो सम्भावनालाई पनि अस्वीकार गर्दैनन्।”

टास समाचारका अनुसार, “ट्रम्पले यो पनि भने कि उनले अहिलेसम्म भोलोडिमिर जेलेन्स्की र इजरायली प्रधानमन्त्री बेन्जामिन नेतान्याहु लगायत विश्वभरका ७० नेताहरूसँग कुरा गरिसकेका छन्।”

ट्रम्पले आफू र बाइडेनले चाँडै नै सँगै डिनर गर्ने सहमति भएको पनि बताए।

सन् २०१६ मा पनि राष्ट्रपति चुनावमा डोनाल्ड ट्रम्पको अभियानलाई बढावा दिन रुसी हस्तक्षेपको आरोप लागेको थियो । तर, रुसले पनि त्यस्ता सबै आरोप अस्वीकार गरेको छ ।

अमेरिकी विशेष सल्लाहकार रोबर्ट मुलरले २०१६ मा ट्रम्प अभियान र रूस बीचको साँठगाँठको आरोपको अनुसन्धान गरे, तर तीन वर्ष पछि एक रिपोर्टमा उनले षड्यन्त्रको कुनै प्रमाण फेला नपरेको बताए।