काठमाडौं। नेदरल्याण्डसले आइसीसी विश्वकप लिग-२ अन्तर्गत युएईलाई पराजित गरेको छ। शनिबार सम्पन्न खेलमा नेदरल्याण्डसले युएईलाई ६७ रनले पराजित गरेको हो।

नेदरल्याण्डसले दिएको २४२ रनको लक्ष्य पछाएको युएईले ४५.२ ओभरमा अल आउट हुदै १७४ रन बनायो। यस अघि टस हारेर पहिला ब्याटिंग गरेको नेदरल्याण्डसले ५० ओभरमा ८ विकेट गुमाउँदै २४१ रन बनाएको थियो।

यो जितपछि नेदरल्याण्डस लिग-२ को अंक तालिकामा तेस्रो स्थानमा उक्लिएको छ। नेदरल्याण्डसको ११ खेलमा १४ अंक भएको छ र समान १४ अंक रहेको स्कटल्याण्डभन्दा रनरेटमा अगाडि हुदै तेस्रो स्थानमा उक्लिएको छ। त्यस्तै युएईले भने लिग-२ मा नवौं हार बेहोरेको छ। युएईको ११ खेलमा ४ अंकसहित पुछारमा रहेको छ।