काठमाडौं। इङल्याण्डले वेस्ट इण्डिज विरुद्धको टी-२० सिरिजमा विजयी शुरुवात गरेको छ।

गएराति सम्पन्न सिरिजको पहिलो खेलमा इङल्याण्डले वेस्ट इण्डिजलाई ८ विकेटले पराजित गरेको हो। वेस्ट इण्डिजले दिएको १८३ रनकाे लक्ष्य पछाएको इङल्याण्डले १६.५ ओभरमा २ विकेट गुमाउदै लक्ष्य पुरा गरेको थियो । इङल्याण्डका लागि फिल साल्टले १०३ तथा ज्याकब बेथेलले ५८ रन बनाएका थिए।

यस अघि वेस्ट इण्डिजले टस हारेर पहिला ब्याटिंग गर्दै २० ओभरमा ९ विकेट गुमाएर १८२ रन बनाएको थियो। यो जितपछि ५ खेलको सिरिजमा इङल्याण्डले १-० को अग्रता हासिल गरेको छ।