काठमाडौं । पाकिस्तानको मुल्तानमा प्रदूषणको स्तर अर्थात एयर क्वालिटी इन्डेक्स (एक्युआइ) २ हजार नाघेको छ । योसँगै लाहोरको हावाको गुणस्तर इन्डेक्स पनि एक हजारभन्दा माथि पुगेको छ ।

पछिल्लो एक सातादेखि लाहोरका १ करोड ३० लाख जनता प्रदूषणको मारमा छन् । यो महिना लाहोरको हावाको गुणस्तर धेरै पटक १००० बिन्दुभन्दा माथि पुगेको छ। जबकि विश्व स्वास्थ्य संगठनले तोकेको मापदण्ड अनुसार ३०० भन्दा माथिको एक्युआइ स्वास्थ्यका लागि खतरनाक मानिन्छ।

प्रदूषणबाट जोगाउन पाकिस्तानको पञ्जाब प्रान्तको सरकारले पार्क, म्युजियम र अन्य सार्वजनिक स्थल नोभेम्बर १७ सम्म बन्द गरेको छ ।

पाकिस्तानी अखबार डनको रिपोर्ट अनुसार पाकिस्तानको पञ्जाब प्रान्तको मुल्तान सहरमा पीएम (पार्टिक्युलेट म्याटर) २.५ कणको स्तर ९४७ पुगेको छ । जुन डब्ल्यूएचओको निर्देशनभन्दा १८९.४ गुणा बढी हो ।

प्रदूषणबाट बच्न पाकिस्तान सरकारले पञ्जाब प्रान्तका १८ जिल्लाका सार्वजनिक र निजी विद्यालय बन्द गरेको छ ।

लाहोर, ननकाना साहिब, गुजरनवाला, सियालकोट, फैसलाबाद, चिनियोट र झाङ सहरहरूमा पार्क, चिडियाखाना, संग्रहालय र अन्य सार्वजनिक स्थानहरूमा मानिसहरूलाई जान प्रतिबन्ध लगाइएको छ।

यसैबीच, पाकिस्तानको पञ्जाबका मुख्यमन्त्री मरियम नवाजले यस हप्ता भारतको पञ्जाबका मुख्यमन्त्रीलाई पत्र पठाउने घोषणा गरेकी छन्। जसमा उनले उनीहरूलाई “जलवायु कूटनीति” मा सहभागी हुन आग्रह गर्नेछिन्।

यस विषयमा पाकिस्तानबाट अहिलेसम्म कुनै प्रतिक्रिया नआएको भारतले जनाएको छ ।