काठमाडौं । सात स्विङ स्टेटमध्ये मत परिणाम घोषणा हुन बाँकी रहेको एक राज्य एरिजोनामा पनि ट्रम्प विजयी भएका छन् । योसँगै डोनाल्ड ट्रम्पले अमेरिकाका सबै स्विङ स्टेट जितेका छन् ।

यो जितसँगै ट्रम्पसँग ३१२ इलेक्टोरल कलेज भोट छन् । ह्यारिसले कुल २२६ इलेक्टोरल कलेज भोट प्राप्त गरेकी छन् ।

अमेरिकाको दक्षिणपश्चिममा पर्ने राज्य एरिजोनामा चार दिनसम्म मतगणना जारी थियो । आइतबार बिहान निर्वाचनको नतिजा सार्वजनिक भएको हो ।

नोभेम्बर ५ मा भएको अमेरिकी चुनावको नतिजामा डोनाल्ड ट्रम्प विजयी भएका थिए । यो जितसँगै डोनाल्ड ट्रम्प दोस्रो पटक अमेरिकाको राष्ट्रपतिमा निर्वाचित भएका छन् ।