काठमाडौं । हमासद्वारा सञ्चालित सिभिल डिफेन्स एजेन्सीका अनुसार इजरायली हवाई आक्रमणमा बालबालिकासहित कम्तीमा १४ जनाको मृत्यु भएको छ ।

हमासका प्रवक्ताले दक्षिणी सहर खान युनिसमा विस्थापित प्यालेस्टाइनीहरूको पालमा भएको आक्रमणमा नौ जनाको मृत्यु भएको बताएका छन्।

प्यालेस्टिनी रेड क्रिसेन्टले मृत्यु हुनेको संख्या पुष्टि गरेको छ ।

अर्को आक्रमणमा पाँच जनाको मृत्यु भएको बताइएको छ। यी मानिसहरू पूर्वी गाजा सहरको पुरानो विद्यालयमा शरण लिएका थिए।

इजरायली सेनाले उत्तरी गाजाको जबलिया क्षेत्रमा दर्जनौं आतङ्ककारी र दक्षिणी रफाह क्षेत्रमा धेरै आतङ्ककारीहरूलाई मारेको बताएको छ।