काठमाडौं । क्यानडामा रहेका खालिस्तान समर्थक नेता गुरपतवन्त सिंह पन्नुले अयोध्यामा आक्रमण गर्ने धम्की दिएका छन् । पन्नुले भिडियो सन्देशमा आफूले ‘अयोध्याको जग हल्लाउने’ बताएका छन् ।

यो धम्कीपछि पूरै अयोध्या किल्लामा परिणत भएको छ । रामजन्मभूमि परिसरको सुरक्षा व्यवस्था पनि कडा पारिएको छ । यस कम्प्लेक्स र पूरै राम मन्दिरका प्रमुख स्थानहरूमा सशस्त्र सुरक्षाकर्मी र आतंकवाद विरोधी टोली तैनाथ गरिएको छ।

अयोध्याका मेयर गिरीश त्रिपाठीले यस खतराबारे बीबीसी हिन्दीलाई भने, “अयोध्यालाई भगवानले सुरक्षित राखेको छ, त्यसैले यहाँ कसैले आक्रमण गर्ने आँट गर्न सक्दैन। अयोध्या पहिलेदेखि नै उच्च सुरक्षा क्षेत्र हो। यहाँ तैनाथ सुरक्षाकर्मीहरूलाई आतंककारीहरूबाट सतर्क रहनुपर्छ।” पन्नुको धम्कीपछि सुरक्षा व्यवस्थाको पुनः समीक्षा गरिएको छ ।

यसका साथै सम्पूर्ण अयोध्यामा सुरक्षा व्यवस्था कडा पारिएको छ । विभिन्न स्थानमा सीसीटीभी क्यामेरा र ड्रोन क्यामेराबाट निगरानी भइरहेको छ । यससँगै गुप्तचर एजेन्सीहरू र आतंकवाद विरोधी टोलीका साथै बम डिस्पोजल टोलीहरू पनि उच्च सतर्कतामा छन्। पीएसी, सीआरपीएफ र यूपी पुलिस कर्मचारीहरूको तैनाथी पनि बढाइएको छ।