काठमाडौँ । वेस्ट इण्डिजले इङल्याण्डविरुद्धको टी-२० सिरिजमा पहिलो जित हासिल गरेको छ । गएराती सम्पन्न सिरिजको चौथो खेलमा वेस्ट इन्डिजले इङल्याण्डलाई ५ विकेटले पराजति गरेको हो ।

इङल्याण्डले दिएको २१९ रनको लक्ष्य पछाएको वेस्ट इन्डिजले १९ ओभरमा ५ विकेट गुमाउदै लक्ष्य पुरा गरेको थियो । वेस्ट इन्डिजको जितमा एभिन लेविसले सर्बाधिक ६८ र शाइ होपले ५४ रन बनाएका थिए ।

यसअघि टस हारेर पहिला ब्याटिंग गरेको इङल्याण्डले २० ओभरमा ५ विकेट गुमाउदै २१८ रन बनाएको थियो । इङल्याण्डका लागि ज्याकब बेथेलले सर्बाधिक ६२ रन बनाए भने फिल साल्टले ५५ रन बनाएका थिए ।

यो जितपछि वेस्ट इन्डिजले ५ खेलको सिरिजमा पहिलो जित हासिल गरेको छ । तर सिरिज भने इङल्याण्डले ३(१ ले जितिसकेको छ । अब सिरिजको अन्तिम खेल सोमबार हुँदैछ ।