काठमाडौं । सत्तारुढ दल नेपाली कांग्रेस र नेकपा एमालेका शीर्ष नेताबीच प्रधानमन्त्रीको सरकारी निवास बालुवाटारमा भेटवार्ता भएको छ।

आज साँझका लागि बोलाइएको मन्त्रिपरिषद् बैठक स्थगित गरेर एमाले अध्यक्षसमेत रहेका प्रधानमन्त्री केपी शर्मा ओली र कांग्रेस सभापति शेरबहादुर देउवाको सहभागितामा शीर्ष नेता छलफलमा जुटेका हुन्।

बैठकमा कांग्रेसबाट महामन्त्री गगन थापा, परराष्ट्रमन्त्री आरजु राणा, एमालेबाट उपप्रधान तथा अर्थमन्त्री विष्णु पौडेल, उपमहासचिव विष्णु रिमाल सहभागी छन्।

बैठकमा प्रधानमन्त्रीको आसन्न चीन भ्रमणलगायत समसामयिक विषयमा छलफल भइरहेको बताइएको छ।