काठमाडौँ । बलिवुडका चर्चित एआर रहमानको २९ बर्षपछि भएको सम्बन्धविच्छेदले धेरैलाई आश्चर्यमा पारेको छ । मिडिया र सामाजिक संजालमा रहमानको पत्नी सायरा बानोसँग भएको सम्बन्धविच्छेदको कारण बारे चर्चा भइरहेको छ ।

यसैबीच रहमानले पत्नीसँग सम्बन्धविच्छेदको घोषणा गरेको केही घण्टा पछि, उनको समूहकी बेस गिटारिस्ट मोहिनी डेले पनि आफ्नो पतिबाट अलग भएको घोषणा गरेको थिइन् ।

यसको जानकारी मोहिनी आफैले सामाजिक सञ्जालमा दिएकी थिइन् । इन्स्टाग्राम पोस्टमा, उनले उनले आफ्नो पति मार्क हार्ट्ससँग आफ्नो विवाह अन्त्य भएको घोषणा गरेकी थिइन् ।

रहमानको सम्बन्धविच्छेदको घोषणा भएको केही घण्टापछि मोहिनीले पनि डिभोर्सको घोषणा गरेको विषयलाई जोडेर हेरिएको छ । मिडिया र सामाजिक संजालमा रहमानको सम्बन्धविच्छेदको कारण मोहिनी भएको टिप्पणी गरिएको छ ।

२९ बर्षिय मोहिनी कोलकाताकी हुन् । उनले एआर रहमानसँग विश्वभर ४० भन्दा बढी शो गरिसकेकी छन् र अगस्ट २०२३ मा आफ्नो पहिलो एल्बम रिलिज गरेकी थिइन् ।

अहिले गुगलमा मोहिनी डेलाई धेरै सर्च गरिएको छ । पछिल्लो ३० दिनको गुगल ट्रेन्डलाई हेर्दा मोहिनी सर्च गर्ने ग्राफ तीव्र गतिमा बढेको देखिएको छ ।

रिपोर्ट अनुसार, रहमानकी पत्नी सायरा बानोका वकिलले यी अनुमानहरूमा स्पष्टीकरण दिएका छन् । उनले भने–‘दुवैको सम्बन्धविच्छेदमा कुनै सम्बन्ध छैन । सायरा र रहमानले नै यो निर्णय लिएका हुन् । हरेक विवाहमा उतारचढाव हुन्छ ।’

यसबाहेक, जब वकिललाई एआर रहमान र सायरा बानोको सम्बन्धविच्छेदको कारण सोधियो, उनले यो बताउन अस्वीकार गरेका थिए ।