बाजुरा । बाजुरामा रुखले च्यापिएर एक जनाको मृत्यु भएको छ।

आइतबार दिउँसो जिल्लाको हिमाली गाउँपालिका–१ खकरामा विद्युतको लाइन तान्न रुख काट्ने क्रममा रुखले च्यापिएर सोही स्थानका ४३ बर्षीय सुपधन बुढाको घटनास्थलमै मृत्यु भएको हो। दुई जना घाइते भएका छन्।

घाइते हुनेमा ४८ वर्षीय सिद्धपुरी रोकाया र ३० वर्षीय पर्मलाल सुनार छन्। रोकायाको अवस्था गम्भीर रहेको जिल्ला प्रहरी कार्यालय बाजुराले जनाएको छ।

युनास्थित कादुरी जलविद्युत् आयोजनाको लाइन तान्न सल्लाको रुख काट्ने क्रममा घटना घटेको प्रहरीले जनाएको छ। घाइतेलाई उपचारका लागि अस्पताल ल्याउन हेलिकप्टरको पहल भइरहेको प्रहरीको भनाइ छ।