काठमाडौं । पाकिस्तानमा इमरान खानका समर्थकहरूले अस्थायी रूपमा आफ्नो प्रदर्शन फिर्ता लिएका छन्।

पाकिस्तानमा पीटीआईका कार्यकर्ता र समर्थकहरूले इमरान खानको रिहाइको माग गर्दै केही दिनदेखि प्रदर्शन गरिरहेका थिए।

इमरानका समर्थकहरूले उनी रिहा नभएसम्म इस्लामाबाद नछोड्ने र पछि नहट्ने अडान राखेका थिए।

इमरानका समर्थकहरुले मंगलबार प्रहरीको ब्यारिकेड तोडेका थिए । त्यसपछि प्रहरीले उनीहरुलाई पछाडि धकेल्न अश्रुग्यास प्रहार गरेको थियो ।

इमरान खानको रिहाइको लागि भएको आन्दोलनमा हालसम्म ६ जनाको ज्यान गइसकेको छ ।

मृत्यु हुनेमा चार सुरक्षाकर्मी र दुई सर्वसाधारण रहेका छन् । पीटीआईले बुधबार एक विज्ञप्तिमा भनेको छ, “सरकारको क्रूरताका कारण विरोध प्रदर्शन अस्थायी रूपमा रद्द गरिएको छ।”