काठमाडौं। यूएईमा जारी यू-१९ एसिया कपमा आफ्नो अन्तिम खेलमा नेपालले अफगानिस्तानलाई पराजित गरेको छ। मंगलबार भएको खेलमा नेपालले अफगानिस्तानलाई एक विकेटले पराजित गरको हो।

अफगानिस्तानले दिएको १२४ रनको लक्ष्य नेपालले ४१ ओभर ३ बलमा ९ विकेट गुमाएर पुरा गर्‍यो। नेपालका लागि नरेन साउदले सर्वाधिक २६ रन बनाए। कप्तान हेमन्त धामी २२ रनमा अविजित रहँदा, अर्जुन कुमालले २१, अभिषेक तिवारीले १३ बनाए। अफगानिस्तानका अल्लाह गजन्फर र खातिर स्टानिकजाईले ३/३ लिए।

त्यसअघि टस हारेर पहिला ब्याटिङ गरेको अफगानिस्तान ३५ ओभर ४ बलमा १२३ रनमा समेटिएको थियो। अफगानिस्तानका फैजल खानले ५२ रन बनाए। बलिङमा नेपालका युनिस ठकुरी र सन्तोष यादवले ३/३, अभिषेक तिवारी र कप्तान हेमन्त धामीले २/२ विकेट लिए।