पाल्पा । गुल्मीमा १६ वर्षीया किशोरी बलात्कृत भएकी छन्। किशोरीमाथि जबरजस्ती करणी गरेको अभियोगमा प्रहरीले गुल्मी मदाने गाउँपालिका-६ पुर्कोटदह घर भएका २१ वर्षीय सम्राट चुदारालाई पक्राउ गरेको छ।

चुदाराले किशोरीलाई रैनादेवी छहरा गाउँपालिका-६ स्थित खरबारीमा सोमबार दिउँसो जबरजस्ती करणी गरेको उजुरीपछि पक्राउ गरिएको प्रहरीले जनाएको छ।

जिल्ला प्रहरी कार्यालय पाल्पासमेतबाट खटिएको प्रहरीले उनलाई पक्राउ गरेको हो। घटनाका विषयमा थप अनुसन्धान थालिएको प्रहरीको भनाइ छ।