अमेरिका। डिएमभी युथ एकेडेमीद्वारा आयोजित किड्स इन्डाेर सकर २०२४ कार्यक्रम सम्पन्न भएकाे छर ७ डिसेम्बर २०२४ मा South Run Rec Center, Springfield, VA मा भएको यस कार्यक्रमले ५ देखि १६ वर्ष उमेरका बालबालिकाहरूसँग रमाइलो र शैक्षिक अनुभव प्रदान गरेकाे छ। कार्यक्रम बिहान १०:३० बजे सुरु भएर १२:०० बजे सम्म चलेकाे थियाे।

यो कार्यक्रमले बालबालिकाहरूलाई खेलकुदमा सक्रिय पार्ने, फुटबलका आधारभूत सीप सिकाउने र आत्मविश्वास बढाउने अवसर प्रदान गरेकाे आयाेजनकले जनाएकाे छ। केटा र केटी दुवैलाई समान अवसर दिइएको यस कार्यक्रममा सबै सहभागी बालबालिकाहरूले रमाइलो वातावरणमा खेलकुदमा आफूलाई व्यक्त गर्न सके।

साथै अवलम्बी अभिभावकहरूको समर्थन र कोच तथा बोर्ड सदस्यहरूको कडा मेहनतले कार्यक्रमलाई सफलता दिलाउन ठूलो भूमिका निभाएकाे थियाे। अभिभावकहरूलाई चिया, कफी, डोनट्स, केरा र पानी जस्ता निःशुल्क पेय पदार्थ र खाजा प्रदान गरिएको थियो, जसले सबैलाई आरामदायक र ताजगीपूर्ण बनायो।

कार्यक्रमको दौरान मैदानमा हर्षोल्लासको माहोल थियो। सहभागीहरूलाई फुटबलको प्रशिक्षण र खेल खेल्नका लागि पर्याप्त अवसर मिल्यो। कार्यक्रमको विशेषता भनेको यहाँका सबै सहभागीहरूले नेपाली भाषामा खुशीका साथ कुराकानी गर्दै, एकता र सामूहिकता महसुस गरेका थिए।

डिएमभी युथ एकेडेमीका आयोजक टीमलाई यस कार्यक्रमको सफलतामा महत्वपूर्ण योगदान पुर्याएकोमा दिइएकाे छ।