दाङ। पूर्व राजा ज्ञानेन्द्र शाह मंसिर २९ गते शनिबार दाङ आउने भएका छन् । घोराही उपमहानगरपालीका धारापानी पाण्डेवेश्वर मन्दिरको दर्शन र स्थानीयसँग भेटघाटका लागि पूर्व राजा दाङ आउने कार्यक्रम तय भएको हो।

नेपालगञ्जबाट दाङ तुलसीपुरको बाटो हुँदै घोराही धारापानी जाने तय भएको सञ्चारकर्मी बंशीकुमार शर्माले जानकारी गराए। शर्माका अनुसार दाङ तुलसीपुरमा पनि राजाले शुभचिन्तकहरुसंग भेटघाट गर्ने कार्यक्रम तय भएको छ सो क्रममा दाङमा स्थानीयले पूर्व राजाको भव्य स्वागतको तयारी गरेका छन्।

त्यसका लागि समिति समेत गठन गरिएको छ। भ्रमणका क्रममा पूर्वराजाले स्थानीयसँग अन्तरक्रिया समेत गर्ने बताइएको छ। नेपालगन्जमा मुकाम बनाएर करिब एक महिना शाहले पश्चिम नेपालमा धार्मिक भ्रमण गर्ने भएका छन्। सोही अवसरमा पूर्वराजा ज्ञानेन्द्र शाह शनिवार दाङ आउन लागेका हुन्।