काठमाडौं । सिरियाका नयाँ अन्तरिम प्रधानमन्त्री मोहम्मद अल–बसिरले विश्वभर शरणार्थीका रूपमा बसेका सिरियालीहरूलाई स्वदेश फर्किन अपिल गरेका छन् ।

बशर अल-असदको शासनकालमा लाखौं सिरियाली नागरिकहरू अन्य देशहरूमा पलायन भएका थिए।

इटालियन अखबार ‘कोरीरे डेला सेरा’ सँगको अन्तर्वार्तामा सिरियाका अन्तरिम प्रधानमन्त्रीले भने, “हयात तहरीर अल-शामको सरकारले सिरियाको भ्रष्ट प्रशासन विरासतमा पाएको छ।”

मोहम्मद अल-बशीरले आफू २०२५ सम्म मात्र पदमा रहने कुरामा पनि जोड दिएका छन्। उनले सिरियाको अवस्था निकै नाजुक रहेको र देशको विदेशी मुद्रा सञ्चिति पनि सकिएको स्वीकार गरे ।

मोहम्मद अल-बसिरले अन्तरिम प्रधानमन्त्रीको रूपमा आफ्नो प्राथमिकताहरू पनि व्याख्या गरे। उनले सिरियामा सुरक्षा र स्थायित्व पुनर्स्थापना गर्नु आफ्नो प्रमुख प्राथमिकता रहेको बताए ।

विश्वभर शरण खोजिरहेका लाखौं सिरियालीहरूलाई आफ्नो देशमा फिर्ता ल्याउनु पनि हयात तहरीर अल-शामको सरकारको प्राथमिकताहरू मध्ये एक हो।

मोहम्मद अल-बशीरले भने, “हामीले हाम्रो देशलाई आफ्नो खुट्टामा उभ्याउन आवश्यक छ र यसमा हामीलाई सबैको सहयोग चाहिन्छ।”