काठमाडौं । सिरियाली विद्रोही सेनाले पूर्व राष्ट्रपति बसर अल-असदको शासनकालमा सञ्चालित कुख्यात जेल बन्द गर्ने योजना बनाएको बताएका छन्। यहाँ थुनामा रहेका कैदीहरूलाई मार्ने वा यातना दिने व्यक्तिको पनि खोजी हुनेछ।

समाचार एजेन्सी रोयटर्सले विद्रोही नेता अहमद अल-शारा, जसलाई मोहम्मद अल-जुलानी पनि भनिन्छ, द्वारा जारी गरिएको एक बयान देखेको छ, जस अनुसार पूर्व सरकार अन्तर्गत गठन गरिएको सुरक्षा बलहरू पनि भंग गरिनेछ।

बसर अल-असदलाई सत्ताच्युत गरेपछि सेडनाया जेलबाट रिहा भएका हजारौं कैदीहरूको भिडियोको व्यापक चर्चा भएको थियो। मानवअधिकारवादी समूहहरूले यस जेललाई ‘वधगृह’ भनेका छन्।

बेलायतमा रहेको अनुगमन समूह सिरियन अब्जर्भेटरी फर ह्युमन राइट्सले असदको शासनमा झण्डै ६० हजार मानिसलाई जेलमा यातना र हत्या गरिएको बताएको छ ।

जुलानी नेतृत्वको इस्लामवादी समूह हयात तहरीर अल-शाम (एचटीएस) र अन्य विद्रोही समूहहरूले बशर अल-असदलाई राष्ट्रपति पदबाट हटाए।

विद्रोहीहरूले सिरियाको राजधानी दमास्कस कब्जा गरेपछि असद रसिया गए र उनलाई र उनको परिवारलाई त्यहाँ शरण दिइएको छ।