मुम्बई । यशराज फिल्म्सले रानी मुखर्जीको नेतृत्वमा रहेको एक्शन थ्रिलर फ्रेन्चाइज मर्दानी–३ को औपचारिक घोषणा गरेको छ।

अभिनेत्री मुखर्जी मर्दानी– ३ मा एसपी शिवानी शिवाजी रोयको भूमिकामा फर्कनेछिन्, जुन अझ कालो र क्रूर हुने अपेक्षा गरिएको छ।

टाइगर–३ र सुल्तान जस्ता चलचित्रमा दोस्रो युनिट सहायक निर्देशकको रुपमा काम गरिसकेका अभिराज मिनावालाले सन् २०२६ मा विश्वव्यापी रुपमा रिलिज हुने यो चलचित्रबाट निर्देशकको रुपमा डेब्यु गर्दैछन् ।

मर्दानी–३ पहिलो महिला नेतृत्वको फिल्म फ्रान्चाइजी हो। आउँदो वर्षको प्रारम्भमा फ्लोरमा जाने मर्दानी–३ लाई अगाडि बढाउने निर्माताको निर्णयको पछाडि रानीको चरित्रको लोकप्रियता एक कारण रहेको र टोलीले अन्तर्राष्ट्रिय लोकेशनमा सुटिङ गर्ने योजना बनाएको बताइएको छ ।