काठमाडौं । टर्कीको विदेश मन्त्रालयले गोलान हाइट्समा इजरायलको गैरकानुनी कब्जाको बारेमा आफ्नो बयान जारी गरेको छ।

टर्कीले आफ्नो विज्ञप्तिमा लेखेको छ , “हामी इजरायलको गोलान हाइट्समा अवैध बस्ती विस्तार गर्ने निर्णयको कडा निन्दा गर्छौं, जुन इजरायलले १९६७ देखि कब्जा गरेको छ। यो निर्णय इजरायलले कब्जाको माध्यमबाट आफ्नो सीमा विस्तार गर्ने प्रयास हो।”

“इजरायलको यो कदम गम्भीर चिन्ताको विषय हो, जबकि सन् १९७४ मा उक्त क्षेत्रमा इजरायलको घुसपैठ रोक्ने सम्झौता भएको थियो र इजरायलले यो सम्झौताको उल्लंघन गरेको छ।”

टर्कीको विदेश मन्त्रालयले लेखेको छ, “इजरायलको चलिरहेको गतिविधिले सिरियामा शान्ति र स्थायित्व ल्याउने प्रयासलाई गम्भीर रूपमा कमजोर बनाउँछ र यस क्षेत्रमा थप तनाव बढाउँछ।”

“यो आवश्यक छ कि अन्तर्राष्ट्रिय समुदायले इजरायलका यी कार्यहरू विरुद्ध उपयुक्त कदम चाल्छ।”