काठमाडौं । एसीसी महिला अण्डर १९ एसिया कपमा नेपाल आज भारतसँग खेल्दैछ । टस हारेर ब्याटिङको निम्तो पाएको नेपालले पावरप्ले अर्थात सुरुवाती ६ ओभरमा १ विकेटको क्षतिमा ३२ रन बनाएको छ ।

नेपालकी ओपनर सावित्री धामी ३ रन बनाएर आउट भएकी छिन् । अर्की ओपनर सना प्रविन ६ रन र कप्तान पूजा महतो १६ रन बनाएर खेलिरहेका छन् । यो समूह चरणको अन्तिम खेल हो । यससँगै सुपर ४ समीकरण पूरा हुनेछ ।

नेपाल यो खेलअघि नै पाकिस्तानलाई हराउँदै सुपर ४ प्रवेश गरिसकेको छ । आजको खेलको नतिजाले नेपालको आगामी खेल तालिका तय गर्नेछ । सुपर ४ मा नेपालले बंगलादेश र श्रीलंकाविरुद्ध खेल्नेछ ।