काठमाडौं । गायक कुशल ढकाल र मिलन नेवारको स्वर रहेको ‘तिम्रो यादमा’ बोलको गीतको म्युजिक भिडियो सार्वजनिक गरिएको छ। कुशल ढकाल अफिसियल युट्युव च्यानलमार्फत गीत सार्वजनिक गरिएको हो।

सुदिप लुइटेलको शब्द र कुशलकै संगीत रहेको गीतमा सरोज बिष्टको एरेञ्ज छ। प्रवेश सिंहको निर्देशन रहेको भिडियोमा सुनिल लो, अनिता सुनार र पूजा अधिकारीको अभिनय छ।

प्रेम प्रसंग समेटिएको गीतमा माया प्रेमका कुरालाई दर्साउन खोजिएको छ। एउटा प्रेमीले प्रेमीकालाई दु:खी देख्न नसक्नुको भावलाई गीतमा समावेश छ।

यससँगै कुशलका लाली ओठले तिम्रो, चिनजानी भएको छैन र सुखी भएर जस्ता थुप्रै गीत बजारमा छन्।