दाङ । ट्रकको ठक्करबाट सोमबार बेलुकी एक जनाको मृत्यु भएपछि मंगलबार पूर्व-पश्चिम राजमार्ग अवरुद्ध गरिएको छ।

ट्रकको ठक्करबाट दाङको राप्ती गाउँपालिका–३ वसन्तपुरका १८ वर्षीय सोनु गुरुङको मृत्यु भएपछि क्षतिपूर्तिको माग गर्दै उनका आफन्तले मंगलबार अपराह्नदेखि राप्ती गाउँपालिका-२ लालमटियामा सडक अवरुद्ध गरेका हुन्।

सडक अवरुद्ध भएपछि पूर्व-पश्चिम यात्रा गर्ने गाडी अलपत्र परेको प्रहरीले जनाएको छ। सुर्खेतबाट भैरहवातर्फ जाँदै गरेको बा ४ ख २२६१ नम्बरको ट्रकले पूर्व-पश्चिम राजमार्गअन्तर्गत राप्ती गाउँपालिका-२, कटेश नालामाविपरीत दिशाबाट आइरहेको रा ८ प ४१४६ नम्बरको मोटरसाइकललाई ठक्कर दिँदा चालक गुरुङको मृत्यु भएको थियो।

दुर्घटनामा घाइते चालकलाई उपचारका लागि भालुबाङ अस्पताल पुर्‍याइएकोमा चिकित्सकले मृत घोषणा गरेका थिए।