बेइजिङ। विश्वको दोस्रो ठूलो अर्थतन्त्र चीनले पर्यटकलाइ आकर्षित गर्नका लागि १० दिनका लागि भिसा फ्रि गरेको छ ।

कोभिड महामारीको तीन वर्षको एक्लोपनबाट बाहिर आउन संघर्ष गरिरहेको चीनले यो घोषणा गरेको हो ।

चीनले मंगलबार आफ्नो भिसारहित ट्रान्जिट नीतिको विस्तारको घोषणा गरेको हो । जसका फाइदा अमेरिकासहित योग्य विदेशी यात्रुहरूलाई १० दिनसम्म देशका केही भागहरूमा बस्न अनुमति दिइनेछ ।

‘यस कदमको उद्देश्य अधिक विदेशी आगन्तुकहरूलाई आकर्षित गर्न र चीनको अर्थतन्त्रलाई बढावा दिनु हो,’ चीनको पर्यटन मन्त्रालयले भन्यो । यसअघि यात्रुले चीनमा घुम्न गएको आधारमा ७२ देखि १४४ घण्टा मात्रै बस्न पाउँथे।

यद्यपि नयाँ नीति तुरुन्तै कार्यान्वयनमा जाने भएकाले अमेरिका, क्यानडा, धेरै युरोपेली र एसियाली राष्ट्रहरू सहित ५४ देशका राहदानीबाहकमा यो नयाँ नीत लागू हुनेछ। तर, यसरी फ्रि भिषाका लागि योग्य हुनको लागि, यात्रुहरूले १० दिन भित्र चीन बाहिर निस्कने टिकटहरू पेश गर्नु पर्ने भने अनिवार्य रहेको छ । राजधानी बेइजिङ र चीनको सबैभन्दा ठूलो सहर साङ्घाईलगायत २४ प्रान्तका ६० स्थानवाट बिदेशी पर्यटक अर्थात यात्रुहरू प्रवेश गर्न सक्ने गरी ब्यवस्था मिलाइएको छ ।

हालै घोषित योजना अनुसार आगन्तुकहरूलाई केही सर्तसहित उनीहरूको बसाइको समयमा क्षेत्रहरूमा यात्रा गर्न अनुमति दिने चिनले प्रस्ट पारेको छ ।