काठमाडौं । वर्षाले अवरुद्ध भएको नेपाल र बंगलादेशबीचको यु–१९ महिला एसिया कपको खेल ढिलो गरी सुरु हुने भएको छ । वर्षा रोकिएपछि खेल स्थानीय समयअनुसार ३ बजेर ४० मिनेट (नेपाली समय १ बजेर २५ मिनेट) मा सुरु हुने भएको छ ।

नेपालका लागि यो खेल जित्नैपर्ने दबाब छ । समूह चरणको समेत अंक गणना हुँदा नेपाल नेट रनरेटमा पछि परेको छ । अंक भने नेपाल र बंगलादेश दुवैको समान ४ छ । यो खेल जितेमा नेपाल फाइनलमा पुग्नेछ । फाइनल आइतबार दिउँसो हुनेछ ।