काठमाडौं । अमेरिकाले सिरियाका नयाँ नेता अहमद अल-शारालाई पक्राउ गर्नको लागि राखेको टाउकोको मूल्य हटाएको छ। अहमद अल-शरामाथि अमेरिकाले १ करोड डलर इनाम राखेको थियो ।

अमेरिकाले वरिष्ठ कूटनीतिज्ञ र हयात तहरीर अल-शामका प्रतिनिधिहरूसँगको भेटपछि यो कदम चालेको हो। अहमद अल-शरा विद्रोही समूह हयात तहरीर अल-शामका प्रमुख हुन्।

अमेरिकी सहायक विदेशमन्त्री बारबरा लीफले शरासँगको वार्ता ‘धेरै फलदायी’ भएको र शरा निकै ‘व्यावहारिक’ भएको बताएकी छन् ।

सिरियाली राष्ट्रपति बसर अल असदलाई सत्ताबाट हटाएपछि अमेरिकी प्रतिनिधिमण्डल सिरिया पुगेको थियो । अमेरिकाले अझै पनि अहमद अल-शराको सङ्गठन हयात तहरीर अल-शामलाई आतंकवादी संगठन मानेको छ।

अहमद अल-शराको संगठन हयात तहरीर अल-शामको अल कायदासँग सम्बन्ध छ, त्यसैले अमेरिकाले उनीमाथि एक करोड डलरको इनाम राखेको थियो।