काठमाडौं । आठ वर्षीया बालिकामाथि जबरजस्ती करणी गरेको अभियोगमा काठमाडौंबाट प्रहरीले भारतीय नागरिकलाई पक्राउ गरेको छ।

आठ वर्षीया बालिकालाई जबरजस्ती करणी गरेको अभियोगमा भारत मोतिहारी दरपाथाना घर भई काठमाडौं चन्द्रागिरी नगरपालिका-१२ वज्वलेक मेडिसिन प्रालिमा काम गर्ने २६ वर्षीय राजु श्रीवास्तालाई शुक्रबार दिउँसो प्रहरीले पक्राउ गरेको हो।

राजुले ती बालिकालाई जबरजस्ती करणी गरेको भन्ने उजुरीको आधारमा प्रहरी प्रभाग बलम्बुबाट खटिएको टोलीले उनलाई पक्राउ गरेको हो। घटनाका सम्बन्धमा अनुसन्धान थालिएको प्रहरीले जनाएको छ।