पिता माताको पनि याद आओस्
अर्ती र बुद्धि खेर केही नजाओस्

आफ्ना व्यवहार सब शुद्ध गर्नु
रिस त हिन हो शिरमा नभर्नु

विद्या र बुद्धि ममता त आओस्
यस्ता कुरामा दिल छटपटाओस्

दाइहरुमा गई सानु पर्नु
भाइ बहिनी सँग प्रेम गर्नु

अर्ती दिँदै छु तिमीलाई अहिले
रिस राघ नगर्नु तिमीले कहिले

बाबु मलाई तिम्रै छ याद
खाने कुराको पनि छैन स्वाद

अर्ती म दिन्छु तिमीलाई बाबु
पढ्ने कुरामा नभएस् काबु

सम्झेर बाबु मुटु धड्कदै छ
पीरको सोलाले शिर चड्कँदै छ

आशिष म दिन्छु तिमीलाई पहिले
अर्ति सुनी रिस लिन हुन्न कहिले

सम्झिरहन्छु तिमीहरुलाई
बसोस् नाम ठुलो पदबी चलाई

आउन बाबु घर तर्फ पहिले
शिक्षा दिउँला विधिले क्रमैले

घरको व्यवहार गर्नु छ साह्रो
राजधानी भित्रै धनको छ धारो

राजधानी जाइ तिमी बस्न पाइ
सन्तोाष छ बाबु मनमा मलाई

बाबा आमाको पनि अर्ति लेउ
सहर सहरमा घर छाँटि देउ

विद्या र बुद्धि बहुतै हओस्
नेपाल भित्रै पिरती रहोस्।

सुन्दरहरैंचा-११,कर्जुना ,मोरङ