काठमाडौं । मकवानपुरको राक्सिराङ गाउँपालिका–५ चाक्ले बगरस्थित भित्री सडक खण्डमा बोलेरो पिकअप गाडि दुर्घटना हुँदा एक जना गम्भीर घाइते भएका छन्।

आइतबार दिउँसो २:३० बजे मनहरीबाट राक्सिराङ हुँदै कैलाश जाँदै गरेको बोलेरो गाडि दुर्घटनामा परेको हो।

सुप्र०१–००१ च २९४६ नम्बरको बोलेरो पिकअप गाडीको ब्रेक फेल भई सडकबाट करिब ३–४ मिटर तल खसेको प्रहरीले जनाएको छ।

बोलेरो गाडीमा ८ जना सवार रहेकोमा एक पुरुष पुरुष गम्भीर घाइते भएका छन्। उनलाई उपचारका लागि मनहरीतर्फ पठाइएको र अन्य यात्रु सकुशल रहेको प्रहरीले जनाइएको छ।