काठमाडौं । अल्लु अर्जुन स्टारर फिल्म पुष्पा–२ द रुल सबैभन्दा धेरै कमाउने भारतीय फिल्मको सूचीमा दोस्रो स्थानमा उक्लिएको छ । फिल्मले २०१७ मा रिलिज भएको प्रभास स्टारर ब्लकबस्टर फिल्म बाहुबली २ द कन्क्लुजनको रेकर्ड तोडेको छ । अब पुष्पाभन्दा अगाडि आमिर खान स्टारर फिल्म दंगल मात्र छ ।

बाहुबली २ ले विश्वभर १७४७ करोड कमाएको थियो । पुष्पा २ ले मंगलबार २८ औं दिनसम्म विश्वभर कूल १७६० करोड कमाउँदै बाहुबलीको रेबर्ड तोडिसकेको छ । फिल्म अझै पनि बक्स अफिसमा लोकप्रिय रुपमा चलिरहेकोले यसले दंगलको रेकर्ड पनि तोड्न सक्ने अनुमान गरिएको छ । दंगलले विश्वभरबाट २०७० करोड कमाएको थियो ।

भारतीय बक्स अफिस ट्रयाकर स्याकनिल्कका अनुसार पुष्पा २ द रुलले मंगलबार कूल ७.६५ करोड कमाएको छ । फिल्मको तेलुगु संस्करणले मंगलबार भारतमा कूल ६०० शो पाएको थियो र १५.५१ प्रतिशत अकुपेन्सी थियो । फिल्मको हिन्दी संस्करणले ३ हजार शोसहित १९.१५ प्रतिशत अकुपेन्सी पाएको छ ।