काठमाडौं । मकवानपुरको मनहरीमा गैंडाको आक्रमणबाट एक महिला घाइते भएकी छन्।

बुधबार बिहान मनहरी गाउँपालिका-६ लोथर खोला नजिक रहेको लामेदमार मध्यवर्ती सामुदायिक बनमा घाँस काट्न तथा गोबर टिप्न गएकी महिलालाई गैंडाले आक्रमण गरेर घाइते बनाएको हो।

चितवन राप्ती नगरपालिका-१ दुबिचौर घर भएकी अन्दाजी बर्ष ७० की दिलमाया स्याङतानलाई गैंडाले आक्रमण गरेको र स्थानीयले होहल्ला गरेपछि गैंडा जंगलतर्फ भागेको प्रहरीले जनाएको छ। घाइते महिलाको हात, शरीर र निधारमा चोट लागेको र उनलाई उपचारको लागी चितवन पठाइएको छ।