काठमाडौं । नेकपा एमाले अध्यक्ष केपी शर्मा ओलीले पार्टी र नेतृत्वमाथि चौतर्फी आक्रमण भइरहेकाले प्रतिवाद गर्न पार्टीपंतिलाई आग्रह गरेका छन्।

मंगलबार केन्द्रीय कमिटी बैठकको समापनमा ओलीले पार्टीमाथि चौतर्फी आक्रमण भइरहेको भए पनि पार्टी निरन्तर अघि बढ्ने र आक्रमणको प्रतिवाद गर्न निर्देशन दिएका हुन्।

एमाले र यसको नेतृत्वमाथि आन्तरिक र बाह्य चौतर्फी हमला भइरहेको ओलीको ठम्याइ छ। ‘हामी त्यसलाई परास्त गर्दै निरन्तर अगाडि बढी नै रहनेछौं। डाह गर्नेहरू अनेक लाञ्छना लगाएर एमालेलाई कमजोर बनाउन लागिरहेका छन्,’ उनले भने।