काठमाडौं । इजरायली सेनाले गाजामा आफ्ना सैनिकहरूले एक बेदुइन अरब बन्धकको शव फेला पारेको बताएको छ। इजरायली सेनाले अन्य व्यक्तिको पनि हत्या भएको हुनसक्ने प्रमाण फेला पारेको बताएको छ ।

५३ वर्षीय युसुफ जायदनाको शव मंगलबार दक्षिणी रफाह क्षेत्रमा सुरुङबाट भेटिएको थियो। इजरायली सेनाले युसुफका छोरा हम्जा (२२) को बारेमा प्राप्त गरेको जानकारीले “चिन्ता बढाएको” बताएको छ।

अक्टोबर ७, २०२३ मा दक्षिणी इजरायलमा आक्रमण गर्दा युसुफ र उनका छोरालाई हमासका बन्दुकधारीहरूले बन्धक बनाएका थिए।

हम्जाका दुई दाजुभाइ आइशा र बिलाललाई पनि उनीसँगै किबुज फार्मबाट बन्धक बनाइएको थियो। तर नोभेम्बर २०२३ मा एक हप्ता लामो युद्धविरामको क्रममा यी दुई सहित १०५ बन्धकहरूलाई रिहा गरियो।

इजरायली प्रधानमन्त्री बेन्जामिन नेतान्याहुले यो खबरप्रति दुःख व्यक्त गरेका छन् ।