काठमाडौं । रोल्पामा सुन्तला बोकेको बोलेरो जीप दुर्घटना हुँदा एक जनाको ज्यान गएको छ। दुर्घटनामा तीन जना गम्भीर घाइते भएका छन्।

रोल्पाको माडी गाउँपालिका-१ पेँदिखोलादेखि सुन्तला बोकेर दाङको तुलसीपुर आउँदै गरेको रा१च ८६८७ नम्बरको पिकअप त्रिवेणी-४ मथुरापानीमा दुर्घटना भएको हो।

दुर्घटनामा परेर चालक माडी १ भितावाङ घर भएका २० वर्षीय हुकुमबहादुर घर्तीको घटनास्थलमै निधन भएको छ।

दुर्घटनमा त्रिवेणी ४ की १४ वर्षीय दिलमाया घर्ती, वर्ष १२ की रमिता मगर त्रिवेणी २ की ११ वर्षीय करुणा बुढामगर गम्भीर घाइते भएका छन्।

उनीहरूलाई उपचारका लागि तुलसीपुर पठाइएको छ।