काठमाडौं। नेपाली क्रिकेटर सन्दीप लामिछाने पाकिस्तान सुपर लिग (पीएसएल)को ड्राफ्टअन्तर्गत डायमण्ड क्याटेगोरीमा समावेश भएका छन्।

यसअघि ६ खेलाडी ड्राफ्टमा पीएसएल समेटिएका थिए। शुक्रवार सार्वजनिक भएको ड्राफ्टमा सन्दीपको नाम डायमण्ड क्याटेगोरीमा थपिएको हो ।

यसअघि ड्राफ्टमा सिल्भर क्याटेगोरीमा नेपालबाट गुल्सन झा, आसिफ शेख, अर्जुन साउद, देव खनाल, दिपेन्द्रसिंह ऐरी र सोमपाल कामीको नाम समावेश थियो।

आगामी सिजनको पीएसएलको लागि खेलाडी छनोट आगामी जनवरी १३ मा हुँदैछ।