काठमाडौं । क्यालिफोर्नियाको जंगलमा आगलागी भएको छ । अहिले झण्डै एक हजार कैदी पनि निभाउने काममा लागेका छन् ।

जनवरी ११ मा, ९३९ कैदीहरू यस अपरेशनमा समावेश थिए। जसमा महिला र पुरुष दुवै पर्दछन् । तिनीहरू सबै क्यालिफोर्नियाको सुधार र पुनर्वास विभागद्वारा सञ्चालित स्वयंसेवक कार्यक्रमको हिस्सा बनेका छन् ।

तर, यो कार्यक्रमलाई लिएर मानिसहरुको फरक फरक धारणा छ । कसैले यसलाई शोषण भनेका छन् भने कसैले पुनर्वास भनेका छन् ।

यद्यपि, कैदीहरूलाई दैनिक ५.८० डलर देखि १०.२४ डलर प्रति दिन भत्ता दिइन्छ। यदि कैदीहरूलाई कुनै आपतकालीन गतिविधिमा तोकिएको छ भने, उनीहरूलाई अतिरिक्त डलर दिइन्छ।

रोयल रामे एक पूर्व फायर फाइटर र गैर-लाभकारी वन र अग्नी भर्ती कार्यक्रमका सह-संस्थापक हुन्। उनले बीबीसीलाई भने, “उनीहरूले अन्य मानिसहरू (अग्निनियन्त्रकहरू) भन्दा कम तलब पाइरहेका छन्। उनीहरू सस्तो श्रम मात्रै हुन् ।”