काठमाडौं । महिला अण्डर १९ विश्वकप क्रिकेटमा पहिलो पटक सहभागी भएको नाइजेरियाले टेस्ट मान्यता प्राप्त टोली न्यूजिल्याण्डलाई हराउँदै सनसनी मच्चाएको छ । पहिलो पटक यु–१९ विश्वकपमा छनोट भएको नाइजेरियाको यो पहिलो पूर्ण खेल थियो र पहिलो खेलमै उसले टेस्ट राष्ट्रलाई हराएको हो ।

वर्षाका कारण १३ ओभरमा छोट्याइएको खेलमा नाइजेरियाले पहिले ब्याटिङ गर्दै ६ विकेटको षतिमा ६५ रन बनाएको थियो । नाइजेरियाका लागि कप्तान लक्की पिटीले १९ रन र लिलियान उदेहले १८ रनको योगदान गरे । जवाफी ब्याटिङमा आएको न्यूजिल्याण्डले १३ ओभरमा ६ विकेटको क्षतिमा ६३ रन मात्र बनाउन सक्यो ।