काठमाडौं । एमटीभीको चर्चित भारतीय रियालिटी शो ‘स्प्लिट्स भिल्ला’सिजन ५ बाट चिनिएकी दिकिला शेर्पाले नेपाली फिल्ममा डेब्यू गर्ने पक्का भएको छ।

कलाकार बुद्धी तामाङको निर्माण रहने फिल्म ‘कुस्ती’मा अभिनेत्री शेर्पा अनुबन्धितभएकी छन्। उनले फिल्मको निर्माण टिमसँग सम्झौता गर्दै वर्कशप ज्वइन् गरिसकेकी छन्। आउँदो फागुनको पहिलो सातादेखि छायांकनमा जाने फिल्ममा उनको भूमिका महत्वपूर्ण हुने निर्देशक तथा लेखक अनिल योञ्जनले जानकारी दिए।

उनले भने,‘हामीलाई एउटा फ्रेस अनुहार चाहिएको थियो। दिकिलालाई भूमिका सुहाउँदो भएपछि अफर गरेका हौं। उहाँले सम्झौता गरेर वर्कशपमा हुनुहुन्छ। उहाँनिकै उत्साहित हुनुहुन्छ।’

निर्देशक योञ्जनले आउँदो वर्ष वि.सं. २०८२ को भदौमा दर्शकले दिकिलालाई पर्दामा हेर्न पाउने जानकारी दिए। उनले म्युजिक भिडिओमा देखेपछि दिकिलासँग फिल्मबारे परामर्श गरेका थिए।

दिकिलाले भारतबाट नेपालआएर फिल्मको पात्रका लागि‘स्क्रीन टेस्ट’ दिएर छनोट भएको निर्देशक योञ्जनले जानकारी दिए। डेब्यू गर्ल दिकिलाले वर्कशपले आफूमा छुटै उत्साहथपेको बताइन्।

उनले भनिन्,‘यो मेरो पहिलो फिल्म भएकाले निकै उत्साहित छु। मलाई सुहाउँदो भूमिका, मैले मन पराउने सिनियर कलाकार, भद्र र सालिन टीमले मलाई अभिनेत्री बन्न प्रेरित गर्‍यो। म आफूले धेरै मेहनत गरेर सक्दो बेस्ट दिने कोसिश गर्ने छु। मैले पाएको मायालाई बढाउने कामफिल्ममा गर्ने छु।’

उनीधिरज मगर र मिरुना मगरको को–स्टार भएर सेट ज्वाइन गर्न अधैर्य छन्। अनुषा सिनेमा वुड पिक्चर्स प्रालीको व्यानरमा बन्ने फिल्म ‘कुस्ती’मा छुटिन नसक्ने र सँगै रहन पनि नसक्ने जोडीको प्रेम कथामा आधारित रहेको निर्देशक योञ्जनले बताए।

यसमा धिरज मगर र मिरुना मगर पहिलोपटक स्क्रीन जोडी बनेर प्रस्तुत हुँदैछन्। फिल्मलाई काठमाडौं रीच इन्टर टेनमेन्ट र एप्पल इन्टर टेनमेन्ट, मोफसल एफडी कम्पनीले प्रदर्शनका लागि वितरण गर्नेछ।