काठमाडौं। काठमाडौंको एक मुख्य व्यापारिक क्षेत्र असन चोकको एक घरमा आगलागी भएको छ।

घरायसी प्रयोजनका सामान राखिएको गोदाममा बिहीबार दिउसो आगलागी हुँदा लाखौँको क्षति समेत भएको छ। घरको माथिल्लो तलामा रहेको गोदाममा आगलागी भएको हो। आगलागीको खबर पाएलगत्तै घटनास्थल पुगेको नेपाल प्रहरी, नेपाली सेना र सशस्त्र प्रहरी बलको टोलीले दमकलको सहायतामा आगो नियन्त्रणमा लिएको थियो।

आगलागीबाट गोदाममा रहेका ग्यास चुल्हो लगायतका घरासयी सामाग्रीहरु जलेर नष्ट भएको छ। समयमा नै आगो नियन्त्रणमा लिइएका कारण अन्यत्र सल्कन नपाएको स्थानीयले बताएका छन्। आगलागीको कारण र क्षतिको पूर्ण विवरण आउँन बाँकी रहेको समेत प्रहरीले जनाएको छ।