बैतडी । बैतडीमा जीप दुर्घटना हुँदा ६ जना घाइते भएका छन्।

सिगास गाउँपालिका-१ को गणानबाट इराना जाने क्रममा शनिबार बिहान ५ बजे सोही वडाको माँडौ भन्ने स्थानमा सुपप्र ०१ ००१ च ४०२८ नम्बर जीप दुर्घटना हुँदा ६ जना गम्भीर घाइते भएका हुन्।

घाइते हुनेमा सिगास गाउँपालिका-१ इरानाका १४ वर्षीया जयन्ती धामी, सोही ठाउँका ४० वर्षीय तुलसी धामी, १६ वर्षीया निरा धामी, १९ वर्षीया पार्वती धामी, १८ वर्षीया कमला धामी र १४ वर्षीया धौली धामी रहेका जिल्ला प्रहरी बैतडीका प्रहरी प्रवक्ता प्रहरी निरीक्षक बलराम पाण्डेयले जानकारी दिए।

घाइते सबैको अवस्था गम्भीर रहेको र उनीहरूलाई उद्धार गरी उपचारका लागि डडेल्धुरा अस्पताल पठाइएको बैतडीका प्रहरी प्रवक्ता पाण्डेयले बताए। चालकसहित जीपमा ८ सवार रहेको प्रहरीले जनाएको छ। जीप सडकबाट ७ सय मिटर तल खसेको थियो।