सुर्खेत । रुकुम पश्चिममा प्रेममा परी विवाह गर्न भागेका एक जोडीको घरभित्र शव फेला परेको छ।

त्रिवेणी गाउँपालिका–४ खुम्चेरी गाउँमा १९ वर्षीय लोकेन्द्र खड्का र वडा नम्बर-६ की सपना पुन मगरको शव फेला परेको जिल्ला प्रहरी कार्यालय रुकुम पश्चिमले जनाएको छ।

सपनालाई लोकेन्द्रले चार दिनअघि विवाह गर्ने भन्दै भगाएका थिए। उनीहरू शनिबार बिहान ९ बजेतिर लोकेन्द्रकै घरमा रहेको अस्थायी टहरामा मृत भेटिएका हुन्। लोकेन्द्र झुन्डिएको अवस्थामा फेला परेका थिए। सपनाको शव भुइँमा थियो।

लोकेन्द्रकी आमा बिरामी छन्। उनका बुबाले श्रीमतीलाई उपचारका लागि नेपालगञ्ज लगेको अवस्थामा घटना घटेको हो।