काठमाडौं । देशका विभिन्न स्थानमा चार जनाको शव फेला परेको छ।

पर्वतको बिहादी गाउँपालिका-१ दुर्लाङ पिरौदीस्थित जंगलमा सोही गाउँपालिका-३ इमिचौर बस्ने ६८ वर्षीय रन बहादुर बोटेन शुक्रबार मृत अवस्थामा फेला परेका छन्।

ताप्लेजुङको आठराई त्रिवेणी गाउँपालिका-३ मिचिरिङ बस्ने ५५ वर्षीय कृष्ण बस्नेत सोही ठाउँस्थित बारीको डिलमा शुक्रबार मृत अवस्थामा फेला परेका छन्।

रूपन्देहीको बुटवल उपमहानगरपालिका-१३ नवज्योती पथमा धनुषा, धनुषाधाम नगरपालिका-७ बस्ने ५२ वर्षीय अर्जुन कार्की शनिबार मृत अवस्थामा फेला परेका छन्।

कैलालीको धनगढी उपमहानगरपालिका-१५ कनरीस्थित माछा पोखरीमा टिकापुर नगरपालिका-३ बस्ने ६५ वर्षीय लौटन चौधरी शनिबार मृत अवस्थामा फेला परेका छन्। यस सम्बन्धमा प्रहरीले आवश्यक अनुसन्धान गरिरहेको छ।