काठमाडौं । अमेरिकी एयरलाइन्सको विमान वासिङ्टन डिसीमा मध्य हावामा हेलिकप्टरसँग ठोक्किएको छ । विमानमा ६० यात्रु र ४ जना चालक दलका सदस्य थिए भने हेलिकप्टरमा ३ जना थिए । अहिले आकस्मिक सेवाका कर्मचारी उद्धारमा जुटेका छन् ।

वाशिंगटन डीसीका मेयर मुरिएल बाउसरले एक प्रश्नको जवाफमा भने “अनुसन्धानको लागि कुनै सीमा तोकिएको छैन। उद्धारकर्मीहरू मानिसको खोजीमा व्यस्त हुनेछन्।”

अमेरिकन एयरलाइन्सका अनुसार विमानमा ६० यात्रु र ४ जना चालक दलका सदस्य थिए । प्रहरी अधिकारीहरूले सीबीएस न्यूजलाई बताएअनुसार खोज टोलीले अहिलेसम्म १८ वटा शव निकालेको छ।

यस घटनाको सम्बन्धमा, संघीय उड्डयन प्रशासनले भनेको छ “एफएए र राष्ट्रिय यातायात सुरक्षा बोर्डले यस विषयमा छानबिन गर्नेछ। एनटीएसबीले यस अनुसन्धानको नेतृत्व गर्नेछ । हामी जानकारी उपलब्ध हुने बित्तिकै अद्यावधिकहरू प्रदान गर्नेछौं।”

एक प्रश्नको जवाफमा डीसी फायर र इएमएस प्रमुख जोन डोनेलीले भने “हामीलाई थाहा छैन त्यहाँ कोही बाँचेका छन् कि छैनन्।” उनले भने, “हामी विहानै एकपटक स्थितिको समीक्षा गर्नेछौं। त्यतिन्जेल हामी राम्रोसँग बुझ्न सक्षम हुनेछौं। ”