मुम्बई। विक्की कौशल अहिले इन्डस्ट्रीका व्यस्त कलाकार मध्येका एक हुन् । अहिले उनका ‘छावा’, ‘लभ एन्ड वार’, ‘महावतार’ जस्ता धेरै रोमाञ्चक फिल्महरु पाइप लाइनमा रहेका छन् ।

यसैबीच, विक्की कौशलले आफ्नी पत्नी कट्रिना कैफका साथी र निर्देशक कबीर खानसँग आफ्नो अर्को फिल्मका लागि हात मिलाएको थाहा भएको छ ।

फिल्म फेयरको रिपोर्ट अनुसार विक्की कौशल र कबीर खानले एकअर्काको कामको तारिफ गरिरहेका हुन्छन । अहिले दुवैले एकसाथ फिल्ममा काम गर्ने योजना बनाएका छन् । समाचारलाई विश्वास गर्ने हो भने आयोजनाको अन्तिम चरणमा काम भइरहेको भए पनि दुईबीचको सहकार्यले सबैको ध्यानाकर्षण भएको छ ।

फिल्मसँग नजिक रहेको स्रोतको विश्वास गर्ने हो भने कबीर खान र कट्रिना कैफ लामो समयदेखि साथी हुन्। कट्रिना र विक्की कौशलले विवाह गरे देखि कबीर पनि विक्कीको राम्रो साथी र मेन्टर बनेका छन्। तर, यी सबैको बीचमा विक्की कौशल र कबीर खानलाई सँगै काम गरेको हेर्न फ्यानका लागि रोचक हुनेछ ।

भर्खरै कबीर खानले एपलाज इन्टरटेनमेन्टसँग दुई फिल्मको घोषणा गरेका छन् । ‘बजरंगी भाइजान’का निर्देशकले एपलाज इन्टरटेनमेन्टका एमडी समीर नायरसँगको फोटो सेयर गरेर यसबारे जानकारी दिएका थिए । विक्की र कबिरको कुरा गर्दा गत वर्ष फिल्म निर्माताको ‘चन्दु च्याम्पियन’ रिलिज हुँदा विक्की कौशलले यसको निकै तारिफ गरेका थिए । विक्कीले फिल्ममा कार्तिक आर्यनको अभिनयको पनि तारिफ गरेका छन् ।

कबीर खानको यो प्रोजेक्ट निकै ठूलो हुने भएको छ । समाचारमा भनिएको छ कि यो फिल्म कुल ५०० करोडको बजेटमा बन्दैछ, जहाँ बिक्की कौशलको अभिनय रहनेछ । तर, सो फिल्मका बारेमा थप केही कुरा जानकारी बाहिर ल्याइएको छैन् ।

विक्की कौशलको आगामी फिल्मको कुरा गर्दा उनी ‘छावा’ मा देखिदैछन् । यस फिल्ममा अभिनेतासँगै रश्मिका मन्डन्ना र अक्षय खन्ना मुख्य भूमिकामा छन् । छत्रपति संभाजी महाराजको जीवनीमा आधारित यो पिरियड ड्रामा फिल्मको ट्रेलर केही दिन अघि सार्वजनिक भएको थियो । जुन फिल्म १४ फ्रेबुअरीमा रिलिज हुदैँछ ।